去年十一月，冼先生在朋友介紹下，幫襯峻利工程公司，翻新其七百呎單位。「我原先傾好廿二萬元全包，但未開工，老細已經話材料費同人工貴，要加多兩萬元，我都照俾啦。」冼先生憶述道。
整個工程原定需時兩個月，冼先生亦定期支付工程費用，可是及至新年前交屋期限，全屋仍然猶如工場一樣，「佢總有一大堆理由解釋，唔係話傢俬大陸造價貴，要改為香港即場做，就話人工加價，搵唔到人開工。」結果五個月內，峻利已把工程費用，由廿二萬元加至廿九萬元。
騎虎難下，冼先生只好把工程延期至三月中，但峻利四月底竟一聲不響，收拾所有工具離場，「佢話工程已經完成七成，但間屋咁樣，根本住唔到人！」

峻利回覆冼先生的電郵中，提及工程入不敷支決定劈炮
冼先生要求對方解釋，但店主顏志輝只以電郵回覆，指受物料價格上漲所累，即使多次加價仍入不敷支。
但冼太不值對方所為，「我已經俾二十四萬元佢，但佢無可能就咁走去。我而家想再搵其他公司執手尾，但個個都話要我出律師信，證明個承建商爛尾先肯進場！咁搞法，又要使多十幾萬都得啦！」
刻下單位的鐵閘被拆走，累事主根本不能入住。

冼先生的單位視察，發現牆身仍未批盪及髹漆，洗手間坐廁及企缸亦未安裝妥當，且積聚了大堆廢物尚未收拾。更離譜的是，峻利拆走單位原有鐵閘，以便搬送物料，但卻只用一道簡陋的木板門頂當。冼先生無奈道：「佢話做好七成工程，但連大閘都無埋，我而家親戚屋企住，都唔知要住到幾時！」

冼先生到峻利位於屯門的店址，發現已經重門深鎖，同層的其他公司職員表示，峻利已沒有開門營業多時，亦不知道東主去向。

原文出處大家可再到這了解
http://mag2.122mb.com/mag/view.p ... 0&site=11132431

__________________________
E5 DESIGNSTUDIO
http://e5design.spaces.live.com