我也是被長X以不良手法欺騙購買了雍雅軒第一座一個單位，差的找不到銀行上會，最近收到律師信話要遲三個月交樓，我現在生活緊拙，都是長實所害，各位有甚麼行動，我一定參加。

[ 本帖最後由 ochan 於 2007-4-20 20:19 編輯 ]

你好：

可否講講用甚麼不良手法﹖為何差點上不到會﹖

Patrick

羅生, 我收到你的電郵及已記錄你的資料於 "雍雅軒苦主會" 名單中. 請你先向李永達議員辦事處登記及填寫購買過程. 連絡人 Ms. Joey Kwong 鄺小姐 Tel. 24279713

[ 本帖最後由 ochan 於 2007-4-20 20:20 編輯 ]

身為一羣不幸苦業主中的一份子,希望大家能齊心合力向長江追討回我們多付的金錢。努力!

我真係希望大家齊心合力,因為所有爭取回來的成果,最後得益者是自己,不是其他人,有d業主有頭威無尾陣,隔岸觀火,真正吹雞時候一定唔見左人,如果是這樣,試問如何追討??要追討不是隨口說,要有一定人數比壓力政府有關部門注意及令有關發展商亦受到一定壓力,這樣先有機會討回公道,本人真心想各業主勇敢行出黎一起去追討公道~~~~!!

轉貼回覆者的大名：   Sam Chan
回覆留言內容：
我係雍雅軒內部認購嗰晚比個agent called我去睇睇，條agent響電話度話好筍，我地一早都話住開九龍，對呢個盤無興趣，但個agent都猛咁話睇吓無防，去到中X地產喺港景峯間地鋪我同我太太尤黃昏6:30坐到零晨，條友奸到一開始就收起我老婆張ID card，間鋪又專登較細冷氣，千幾尺地鋪質成百人喺裡面，我同好多人都焗到有D缺氧，喺"& #28201;温燉燉"嘅情況底下有咩法子唔中招，你地所講嘅& #22050;我嗰晚全部睇倒灑，不過最終我太太"好理智"咁大吵大鬧發展商先攞得返張ID card，各位!，你地有咩行動我幫得到我都一定幫，因為以家D地產商同代理實在太過份!!!

想請問佢地點令到你地由6:30坐到零晨? 點解唔走
同埋既然"好理智"咁攞得返張ID card, 但又點解會買左呢?

呀封眞兄，

>>想請問佢地點令到你地由6:30坐到零晨? 點解唔走
喺中原地鋪入面，佢死都唔肯比返張身份証我老婆，我地點走呀，直至零晨時份發展商叫agents帶啲水魚過去售樓處繼續洗腦，我地先可以當住中原,美聯,利記,港置同長實所有職員面前發圍，"wear"爛塊面先攞得返張身份証咋。

>>同埋既然"好理智"咁攞得返張ID card, 但又點解會買左呢?
我唔係雍雅軒業主，我無買到喎，只係想分享吓我眼見倒嘅地產商夾埋代理的欺騙手法

睇嚟你未睇過樓無乜經驗!

咁佢死都唔肯比返張身份証你地, 難道你地話要報警, 佢地都唔肯嗎?

同埋我真係幾少去睇樓
如果你睇左咁多, 但其他樓盤又有無咁既情況, 定係只係雍雅軒先係咁

>>咁佢死都唔肯比返張身份証你地, 難道你地話要報警, 佢地都唔肯嗎?

你呢個問題我真係唔知點答你，我相信呢度好多www.theapexclub.net會員都唔知點答你
不過我地before被人帶去發展商售樓處之前(喺中原地鋪)巳好多次要求佢比返張身份証我地
去到零晨喺售樓處終於忍無可忍，結果可以擺返，Yes,如果喺售樓處佢都唔比，我地會報警
但仲喺中原間鋪時，話洒個Agent都一場相識，我嗰一刻又做唔出喎

>>如果你睇左咁多, 但其他樓盤又有無咁既情況, 定係只係雍雅軒先係咁
我都唔多睇新樓示範單位，但之後睇萬景峯，我又覺得無咁衰喎。

Anyway,我從來只係想發表我見到嘅經歷，唔係想有咩爭呦!