用信用咭買野好處,大家都知有得儲分又可以遲D付款,再者如果買電噐仲可以做埋分期付款只比多小小息已長達12個月以上,符合消費者原則!相信好多朋友都會選擇這樣.

大家係咪好奇怪點解同裝修陷阱有關係,有朋友問我...嘩!現在家居裝修有些設計公司可以做埋分期付款,分別購買傢俬或裝修工程都可以.而且仲係12個月或24個月免息分期嚟你話幾咁好.我話比佢聽未必冇咁好着數,只不過又免息又有得儲分比着邊個都會用信用咭,之但係間設計公司咪要等成24個月先收晒成單工程錢,你估間公司會吾會咁愚,其實當中一定有D野既,只不過一下子大家都比着數遮住冇留意!設計公司一簽訂做了分期,其實已經將整單工程錢袋晒落袋.手法係將分期轉界有關銀行而從銀行身上攞回扣除利息後工程所有資金.由銀行就按月收取客戶直到分期完止,當中報價單上已收取利息客戶未必知,而且變相其實客戶做了一個擔保人幫了設計公司向銀行借錢及分其還款.

大家可能問其實這畢錢都係予咗做裝修費嚟吾緊要啦!精彩嘅等係有下文:當你發覺簽咗合約後工程冇依期開始,遲遲未完工及最後連貨不對辨等等出現晒...你就知發生咩事,因你係做分期如果工程上有問題影響吾到這畢錢轉帳,銀行已認定你已收取到所買既野,及吾會理會客戶同設計公司之間既事,你只好比晒這畢錢,而工程問題就要睇吓間設計公司有冇良心幫你搞埋,不過你可以想像吓如果佢一早收晒錢仲會吾會採你!

其實買電器你可以一路用一路做分期,但工程就吾同妳未知出嚟結果,就已經開始要比錢!如果要符合消費者原則你會點諗.大家真係便宜莫貪啦...不過亦希望客戶吾好悟會工程上有問題,而採用吾比錢解決!其實有些設計公司都係想幫客戶,希望客戶明白大家都係解決問題.
__________________________
E5 DESIGNSTUDIO
http://e5design.spaces.live.com